فاضل 8 أيام على التعديلات الدستورية.. وأنا لسه مش عارفة أكون رأي على أي أساس وايه اللي ممكن يحصل وليه..
فقررت اني أدرس الموقف..
التعديلات الدستورية:
النصوص قبل وبعد التعديل ---> التعديلات الدستورية المقترحة
النصوص بطريقة مبسطة ---> دليلك لفهم التعديلات الدستورية
الواضح من النصوص القديمة ان الدستور كان جزمة متفصلة عشان تريح مع جيمي وابوه (معرفش ليه جت في دماغي أغنية "اختارناه.. اختارناه" وصورة المخلوع وبنات حلوين بيدوله وردة وضحكته المجلجلة وهو بيقول "يا عم كبر مخك" - اللهم لا شماتة-)
تعليق المركز المصري للحقوق الاقتصادية والاجتماعية ---> المركز يرحب ببعض المقترحات الدستورية ويقدم انتقادات لبعضها الآخر
واضح ان الموضوع صعب والواحد محتاج يذاكر!
المستشار طارق البشري (رئيس لجنة تعديل الدستور): المستشار طارق البشري في العاشرة مساء
المستشار طارق البشري في العاشرة مساء
مين بيقول نعم للتعديلات الدسورية وليه:
د. معتز بالله عبد الفتاح ---> نعم للتعديلات الدستورية المعدلة
وائل خليل -مش عباس- (ناشط معروف ومحترم جداَ) ---> التصويت بنعم للتعديلات اسرع طريق لدستور جديد! دعوة لنقاش اكثر عمقا
مين بيقول لا للتعديلات الدستورية وليه:
د. عمرو حمزاوي ---> الاستفتاء على التعديلات الدستورية
د. محمد البرادعي ---> لقاء البرادعي مع يسري فودة في اخر كلام
(الناس اللي هاتقولي البرادعي مش عارفة ايه وده أصله ايه وايه .. مش دي القضية.. القضية هي التعديلات .. اسمع كلامه ولك الحق انك توافق أو تختلف)
أ. محمد شردي (المتحدث الرسمي باسم الوفد) و أ. ضياء رشوان (نائب مدير مركز الدراسات الاستراتيجية بالأهرام) ---> اخر كلام: المطالبة بأحكام عرفية
(اللقاء على 3 اجزاء.. هو ممكن يكون طويل شوية بس حقيقي جد وخطير .. أنا شخصياً أصبت برعب -على رأي يسري فودة- من الكلام اللي قيل)
تامر موافي (ناشط وبلوجر) ---> لماذا أرفض التعديلات الدستورية؟
(بأحب أنا أوي الناشطين الشباب)
وده كان رد المستشار طارق البشري عن بعض التساؤلات المهمة ---> كل التعديلات التى وضعناها لفترة مؤقتة انتقالية بين عهدين ونظامين ودستورين
بصراحة أنا لسة مقلقلة.. موضوع أن الاستفتاء بعد كام يوم ده موتر بصراحة.. والتخوفات من ايه اللي ممكن يحصل سواء في حالة الموافقة أو الرفض يحتاج لوقت عشان الواحد يقدر يحكم!
يا ريت أي حد هايحضر الندوة بتاعت التعديلات النهارده وبكرة في الكلية يقول ايه اللي تم.
أحب أعرف برضه مين رأيه ايه وليه؟
