Sunday 18 September 2011

[HBBC:3] عقدة الخواجة

Welcome to The Half-Baked Bloggers Consortium‘s (HBBC) third post. Meet the members here.This week’s topic is 3o2det al Khawaga عقده الخواجه, chosen by Deppy.
Please, make sure to check the other members' posts. You won’t be disappointed. ;)



يا اخواني... با النافوخ بتاع انا !! – الخواجة بيجو

لفظ الخواجة ده كيوت موت! أول ما يجي اللفظ ده بأفتكر مانويل جوزيه! (مدرب فريق الأهلي الريد ديفلز وينطق خوزيه)

هايبقى بايخ قوي و"أيرونك" لو الموضوع ده متكتبش بالمصري..

خلوني أوضح حاجة كده: اللي  هايقول مش بيعاني من عقدة الخواجة واحد من اتنين: يا إما بيضحك على نفسه.. يا إما بيضحك على نفسه جامد.

الفشخرة والعنجهية جزء من حياتنا كبني آدمين (شئ غير مقتصر على المصريين), سواء أكانت عن طريق لبس معين ..أكل معين .. طريقة كلام معينة وهكذا... والحالة النفسية دي موجودة في كل بلد وفي جميع الأزمنه..  

مش هاتكلم عن أصل الكلمة ولا أسباب هذه الظاهرة وعلى عن علاقتها بالعنصرية أو مفهوم المواطنة والاستعمار والتاريخ والعولمة .. فاكس!

بس أحب أفكركم بحاجة كده
}اعلموا أنما الحياة الدنيا لعب ولهو وزينة وتفاخر بينكم وتكاثر في الأموال والأولاد كمثل غيث أعجب الكفار نباته ثم يهيج فتراه مصفرا ثم يكون حطاما وفي الآخرة عذاب شديد ومغفرة من الله ورضوان وما الحياة الدنيا إلا متاع الغرور{ - سورة الحديد آية رقم 20

يعني المشكلة مش مشكلة  خواجات على قد ما هي مشكلة بنبحث على حاجة نتفاخر ونتمنظر بيها..

الشعب المصري من أظرف الشعوب التى تتجلى فيها أسمى معاني العقد النفسية .. أنا هاتكلم عن تجربتي النهاردة مع عقده الخواجات..

في طريقي إلى الجامعة اليوم قررت أني أرصد جميع مظاهر هذه العقدة الطبقية! لاحظت أني من كتر العقدة دي ماهي ترسخت عندنا أصبحنا لا ندركها لأنها ترسخت ك"فاكت"

4 سنوات في الجامعة رايح جاي.. والنهاردة بس لاحظت التالي:


أسماء المحلات:

 ترسخت في ثقافتنا ألفاظ  ك"مول" "سنتر" و "ماركيت" وأصبحت جزاً من لغتنا
فتلاقي مثلاً:  شعبولا كيدز! و الزعبلاوي سنتر!! قمه العبث!

وأصبح من العادي ان أسماء المحلات الأصلي يكون بالإنجليزية ولا يترجم للعربية فتلاقي مثلاً: سيتي ستارز .. فندق مون لايت.. سيتي مول.. دريم بارك.. تويز آر أص! والأمثله كثيرة لا تعد ولا تحصى


الجامعة:

الجامعة معروفة بأنها تضم "كولكشن" متألق من الشباب المصري العصري والرجعي..
فلفت نظري اليوم عدد لا بأس به من تي شرتات الرجل الخارق "سوبر مان" و  بوب الإسفنجة ذا السروال المربع "سبونج بوب سكوير بانتس"
الصراحة معرفتش أصنف هل ده عقدة خواجة؟ أم طفولة مشردة؟ أم مرقعة؟.. ما علينا


البلد:

وأنا أجلس في وسط مهرجان اللبس البوهيمي المار أمامي.. إذا بالصاعقة الكبري..
ده العقده دي مش بس على المستوى الفردي.. ده حتى البلد نفسها عندها عقدة الخواجة! وااحسرتاه!
فاكرين اخر مرة أوباما جه زار فيها مصر؟ فاكريين الأجواء الإحتفائيه به وإزاي كنا طايرين في السما لمّا إتكلم عربي وكأن اللغة العربية ازادات بريقاً عندما نطق هو بها؟

ونروح بعيد ليه؟
فاكرين زيارات مهاتيير محمد و رجب طيب أردوغان لمصر؟ ليس عيباً فيهم ولكننا من يأسنا هوينا التقليد الأعمى وانبهرنا به! ولعل هذا يرجع لعقدة الحرمان ..وما أكثر العقد والكلاكيع في المجتمع المصري.


وإذا أنا اُنهي آخر ما تبقى من "كريب الموتزاريلا" أفكر في نفسي  
هو يا ترى زمان باقي البلاد كان عندها عقدة خواجة من الفراعنة وكانوا بيلبسوا بواريك ستايل زييهم؟ همممم..


8 comments:

  1. I LOVE the sarcastic tone!! =D
    So cool ya man :D
    Uni is indeed mostanqa3 le 3o2ad el5awaga ya o5tchy.

    Awesomeness babe!!
    Inspire on~

    ReplyDelete
  2. Perfect! :D

    (but why too short ?? .. i wanted more :D)

    ReplyDelete
  3. I like how you pointed it out, and I agree (with my english comment and all xD) that we are all suffering from that 'genetic' disease. I guess it's part of who we are as arabs.

    ReplyDelete
  4. Thank you guys! :D

    Your comments mean the world to me. Glad you liked the post. =)

    Arigatou gozaimasu! (^^,)

    ReplyDelete
  5. add to that list " carlos latuff " .. he might be good .. MIGHT ... but for sure he ain't the best :S ... i kept on wondering how come the activists and basically a lot of others are so proud of him , calling him the revolution artist and stuff , then i realized ... عقدة الخواجة

    love the sarcasm btw :D

    ReplyDelete
  6. معذرةً بس أنا حاسس ان عقدة الخواجة حتى في الردود
    الموضوع كله بالعربي و الكل رد بالانجليزي!!

    عجبني الموضوع :)

    ReplyDelete
  7. أنا عايزه اوضح نقطه بس، في فرق كبير بين عقده الخواجه و اننا عندنا هويه متاثره بشكل كبير بأمريكا. مش معني انك بتكتب عربي انك مش متأثر و مش كل اللي بيكتب انجليزي عنده العقده دي (مع أنا اللي اقترحت الموضوع و كتبت موضوعي بالانجليزي و انا مصابه بهذا المرض و اعترف) بس بلاش نعمم عشان دي نقره و دي نقره.

    عقده الخواجه هي احساس بالدونيه لمجردانك عربي مش انك تتأثر، و حلها مش اننا نكتب عربي (اللي هو اصلا مصري مش عربي و لا حاجه)و لكن المعرفه و اللأعتزاز و الفخر بأصلنا. و ايضا الدفع للأمام و التشجيع و ليس التعميم و التهبيط في العزيمه.

    و شكرا

    ReplyDelete